Human Rights Online Philippines

BILIBID OR NOT
(Hinggil sa paglabas-masok sa kulungan ng nasentensyahang si dating Batangas Gov. Tony Leviste)

ni Gregorio V. Bituin Jr.
14 pantig bawat taludtod

ala eh, di ko mawari, bakit ga ganire
labas-masok pala sa kulungan si Leviste
ang dating gobernador ng probinsyang ala-eh
na napiit nang paslangin ang kanyang kumpare
believe it or not, ganito nga ang nangyayari

ang treatment sa kanya’y VIP (vi-ay-pi) dahil mayaman
kaya ang kulungan, ginagawa lang pasyalan
ang kanyang sentensya’y tila pinaglalaruan
nasaan dito ang sinasabing katarungan
lalo’t pinatay niya’y ang kanyang kaibigan

ang nangyaring ito’y isa ngang BILIBID OR NOT
isang insidenteng dapat nating mahalungkat
gayunman may katotohanang isiniwalat
na kahit sa kulungan man, may gutom at bundat
iba ang kalagayan ng mayaman at salat

sinong nagpalabas sa dapat ay nakakulong
kanino kayang ulo yaong dito’y gugulong
BILIBID OR NOT, nakakalabas ang may datong
sistema ng hustisya’y saan kaya hahantong
kung pinaglalaruan lang ng mga ulupong

Related articles

• [In the news] VIP prisoners face probe – INQUIRER.net (hronlineph.wordpress.com)
• [Press Release] Rights group calls for full probe over Antonio Leviste’s vacation and urges the immediate release of Mariano Umbrero (hronlineph.wordpress.com)
• [In the news] Leviste to be charged with ‘evasion of sentence’ – BuCor – Nation – GMA News Online – Latest Philippine News (hronlineph.wordpress.com)
• [In the news] De Lima: Heads will roll in Leviste incident | ABS-CBN News | Latest Philippine Headlines, Breaking News, Video, Analysis, Features (hronlineph.wordpress.com)
• Calloused (rodpfajardo.wordpress.com)