[Tula] Sugat na walang hilum -Ni Teng

December 30, 1896- isang paspaslang
hudyat ng pagpapaalam sa sinisinta
ihahanda ang katawan sa panandaliang
halimaw na kirot ng tulis ng bakal
mula sa armas ng dayuhang baril
ito’y sugatang dibdib ni Sisa
Pagal n’yang katawan ay binurol
ang makabayang adhika’y naglalamay

Sa mga sugat ng pagibig sa Bayan
pagdalaw ng pirasong ala-ala ni Ibarra
Sa amang ikinulong paglilitis ng husga!
Tanging liham ang siyang pamana
aklat na pamana sa mga anak na naulila
maitala ang kataga ng kalayaang sinta

Maputla ang kalangitan sa iyong pagpanaw!
nagpupusyos sa galit ang mga kapatid na naiwan
pinaslang ka ng naghaharing uri
noong wala pang Riding in Tandem
noong wala pang salitang EJK

Ngayon’y nagbabalik ang yabag ng mga naulila
mga kabataang pinaslang ng maling akala
likha ng dikta sa ng gyera kontra droga
tulad mo’y narinig mo ang hiyaw ng mga inang naulila
habang paluhod kang bumagsak sa lupa’y
dahan dahang pagpikit ng iyong mga mata
luha’t dugo’y matutuyo sa tigang nang lupa

Ang baril na siyang bumiyak sa iyong dibdib
siya ring dugong bumulwak sa tama ng bala
Mula sa gapos ng tanikala- likha nitong banyaga
At dusta ng punlo sa puso nitong aping makata
At nang masaksihan ikaw aking inang lumaya

Himlay mo’y; pinagdiwang ni Damaso,
Sa iyong paglisa’y nag- iwan ng ligalig
Sa mga mananakop na dayo
nagpapaalab sa damdamin ni Simoun
nagpapatalas sa diwang makabansa ang tumugon

Ang dugong tumagas mula sa dibdib
Ay pamana- butil na ipinunla sa tinubuang lupa
tubig na umagos didilig pagsintang alay
uulanin ka ng liwanag ng magiting na haring araw
Sisibol ng matarik ang kasarinlan!

Itinumba ka ng bala mula sa prayle sa Espanya
Balang ginamit, kalawang ang aangkin
Ngunit ang pagal mong katawan ay buhay na diwa
Inilibing, ibinurol, sa lupang labis mong giliw
Kailan man, ang iyong kaisipan di magmamaliw

(pagsaludo sa kabayanihan ni Jose P. Rizal, para sa Kasarinlan)

December 30, 2016

(revised Dec 30, 2017)

#DEC30JoseRizal
#Rizaldeathanniversary
(Pinta ni Von Adlawan)

All submissions are republished and redistributed in the same way that it was originally published online and sent to us. We may edit submission in a way that does not alter or change the original material.

Human Rights Online Philippines does not hold copyright over these materials. Author/s and original source/s of information are retained including the URL contained within the tagline and byline of the articles, news information, photos, etc.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s