Isang mahirap na hamon para sa isang tao na malampasan ang “substance abuse,” ngunit sa kabila nito, mayroong isang programa na magbibigay sa kaniya ng liwanag ng pag-asa, at ito ang Community Drug Rehabilitation Program (CDRP). Layunin ng CDRP na magbigay ng isang lugar na kung saan malaya ang indibidwal na muling buuin ang kanyang sarili, kasama ang kanyang mga kaibigan o pamilya at mga propesyonal. Ipinapalaganap ng programang ito ang ideya na ang pagbabalik sa normal na pamumuhay ay isang tagumpay na nakakamit sa pamamagitan ng pakikipagtulungan.