Photos from KAGULONG FB Page

Ika-10 ng Marso ay matagumpay nating nailunsad ang KAGULONG WOMEN RIDERS CONFERENCE sa Bulacan na dinaluhan ng mahigit tatlumpung lider kababaihan sa riding community.

Sa naturang kumperensiya ay pinagtibay ang adbokasiya ng kapatiran sa gawaing kababaihan partikular sa pagsusulong nito sa karapatan, kapakanan at kaligtasan. Sa natutarang kumperensiya din ay tinalakay at inaprubahan ang deklarasyon ng polisiya ng KAGULONG para sa INKLUSIBONG KOMUNIDAD. Ang naturang deklarasyon ay pagpapatibay na ang KAGULONG ay kapatirang may pagkakapantay-pantay at magiging bukas na makikipag bayanihan sa lahat anu man kasarian (kababaihan, lgbtqia++, persons with disabilities etc.), paniniwala o relihiyon, edad, at katayuan sa buhay.

Pasasalamat sa mga lumahok at tumulong sa kumperensiyang ito at mabuhay ang mga kababaihang kagulong! #RidersBayanihanWalangMaiiwan #sulongkagulong