[Event] Invitation for a meeting-finalization of “Padyak Pakikiisa Para sa Karapatan ng mga Katutubo at Kalikasan PPP-KKK” – Save Sierra Madre

Mga kaibigan at kasama sa pagtataguyod ng karapatan ng mga katutubo at kalikasan, Pagbati ng kapayapaan mula sa ECIP National Secretariat! Ang Episcopal Commission on Indigenous Peoples (ECIP) ay isang komisyon ng Catholic Bishops’ Conference of the Philippines (CBCP) na katuwang ng mga kapatid nating katutubo sa halos apat na dekada na. Pangunahin na adhikain…

Human Rights Online Philippines

July 1, 2011

2–3 minutes

Asia, Dingdong Dantes, Heart Evangelista, Human Right, Human Rights and environment, Karapatan, Luzon, Marian Rivera, Philippine, Save Sierra Madre Network

Mga kaibigan at kasama sa pagtataguyod ng karapatan ng mga katutubo at kalikasan,

Pagbati ng kapayapaan mula sa ECIP National Secretariat!

Ang Episcopal Commission on Indigenous Peoples (ECIP) ay isang komisyon ng Catholic Bishops’ Conference of the Philippines (CBCP) na katuwang ng mga kapatid nating katutubo sa halos apat na dekada na. Pangunahin na adhikain ng aming komisyon ay ang pagtataguyod sa mga karapatan ng mga katutubo, pangangalaga sa kanilang lupaing ninuno at para sa kanilang sariling-pagpapasya.

Sa darating na buwan ng Oktubre kung saan ipagdiriwang ng simbahan ang taunang Linggo ng Katutubong Mamamayan (Indigenous Peoples Sunday) sa ikalawang Linggo ng nasabing buwan, ay nagbabalak na magkaroon ng isang pagsasama-sama ng mga sumusuporta sa mga katutubo at kalikasan sa pamamagitan ng pagbibisikleta. Pansamantalang tinaguriang “Padyak Pakikiisa Para sa Karapatan ng mga Katutubo at Kalikasan (PPP-KKK)”, ito ay nakatakdang ganapin sa Oktubre 8-9, 2011. Binabalak din na magmumula ang mga kalahok sa iba’t-ibang panig ng Luzon at magsisimulang pumadyak sa San Fernando City, Pampanga hanggang makarating sa Katedral ng Antipolo City, Rizal.

Sa ganitong kadahilanan, kami po ay nag-aanyaya para sa isang paunang pagpupulong ng mga lider/kinatawan ng mga grupo o organisasyon at indibidwal na nagbibisikleta na susuporta sa nasabing pagdiriwang upang pag-usapan ang magiging detalye ng gagawing pagpadyak. Ang pagpupulong ay nakatakda sa Huwebes, Hulyo 7, 2011, mula ika-5 ng hapon hanggang ika-8 ng gabi dito sa aming opisina – Ground Floor, CBCP Bldg., 470 Gen. Luna St., Intramuros, Manila. Pamumunuan ang pagpupulong ng tagapangulo ng ECIP na si Arsobispo Sergio L. Utleg, D.D.

Sa mga nais dumalo at sa iba pang detalye, maaaring makipag-ugnayan sa ECIP National Secretariat sa telepono: 5274062/5274155, cp: 09163071469, o sa e-mail: ecipns@yahoo.com.ph.

Umaasa sa inyong pagdalo at aktibong pakikilahok,

Gumagalang,

TONY ABUSO
Tagapag-ugnay