Tag Archives: Dingdong Dantes

[From the web/event] Dingdong Dantes to run for children’s survival -Save the Children Asia

Posted on by Leave a comment

Dingdong Dantes to run for children’s survival
October 6, 2012

Manila, Philippines – As the political race heats up for the coming 2013 senatorial and local elections, Filipino actor-producer Dingdong Dantes will run, not for any elective post in the 2013 polls nor after aswangs like in his latest movie TikTik, but in the world’s biggest children’s race on October 16, World Food Day, at the Yńares Center, Rizal Capitol Compound, Antipolo City if only to urge governments and world leaders to decisively address child malnutrition and ensure protection of child rights in times of emergencies and disasters.

Organized by Save the Children, the leading independent organization for children, and its partners, the Race for Survival is a 42-kilometer charity relay marathon where more than 20,000 children in over 40 countries around the world will pass the baton on the same day to beat Kenyan Patrick Makau’s world marathon record of 2 hours 3 minutes 38 seconds.

Every year, 7 million children worldwide die before their 5th birthday. “About 57,000 Filipino children die before their 5th birthday, due to preventable causes like diarrhoea and pneumonia. Malnutrition is the underlying cause of roughly one-third of these child deaths globally,” said Anna Lindenfors, Country Director of Save the Children in the Philippines.

Based on official reports, under-five mortality (or deaths per 1000 live births) from 1999-2008 is highest in ARMM (94) followed by Eastern Visayas (64), Mimaropa (49), Cagayan Valley (46), Davao (44) and Western Visayas (43). Under-five death is lowest in Metro Manila (24). Child mortality is higher in rural areas (46) than in urban centers (28), and is highest among the poor and mothers with no education.

“Ironically, the solutions are simple and readily available: more breastfeeding mothers, more children immunized, and more good food for children facing malnutrition and starvation,” Lindenfors explained.

“There are simple, proven and cost effective solutions to tackle malnutrition, and we are calling on world leaders to take urgent action,” said Lindenfors. “We need political commitment in order to win this fight – for the thousands of children in the Philippines who die needlessly each year.”

Read full article @ www.mynewsdesk.com/sg/pressroom/save-the-children-asia/pressrelease/

Human Rights Online Philippines does not hold copyright over these materials. Author/s and original source/s of information are retained including the URL contained within the tagline and byline of the articles, news information, photos etc.

[Blogger] Tama na, Sobra na, Masyadong masakit na – Matrics ni Parics

Posted on by Leave a comment

by Mon Parica (Matrix ni Parics)

Tama na, Sobra na, Masyado ng masakit…. Ito ang aking sempatya sa mga anak ng Desaparecidos o ang mga biktima ng pagwala. Maaaring tayo ay hindi nakakapansin sa mga ganitong pangyayari sa ating paligid. Mga kabataang hindi naiisip ang kalagayan ng kapwa nya kabataan na hindi tiyak ang kinaroroonan ng magulang maging ama man o ina. Hindi sa kadahilanang ginusto ng magulang na umalis o mawala kundi sapilitang dinukot ng hindi nakikilalang pwersa kung ito ba ay kagagawan ng ahensya ng ating pamahalaan o ng ibang pwersa na may ibang hangarin.

Napakasakit para sa isang anak na lumaki ng hindi kasama ang kanyang ama o ina lalo pa’t ang kalinga ng isang magulang ang gagabay sa kanya sa mga hamon ng buhay habang sya’y lumalaki. Hindi mo nanaiisin na ang iyong magulang ay wala sa piling mo habang ika’y nabubuhay kung iisipin mas masakit pa ang pakiramdam ng isang anak na ang magulang ay biktima ng pagwala kumpara sa isang anak ng expat. Oo totoo masakit sa isang anak ng expat ang lumaki ng malayo ang magulang sa kadahilanang sya ay nagkukumahog magtrabaho sa ibang bayan upang magkaroon ng masaganang buhay ang kanyang pamilya sa Pinas. Subalit hindi na sana kailangang umalis pa ng bansa ang isang magulang upang maitaguyod ang kanyang pamilya kung ang ating bansa ay may sapat na kakayahan upang mabigyan ng trabahong magbibigay ng maayos na sahod sa isang magulang. Hindi isa itong patunay na ang ating pamahalaan ay wala pa ring maayos na plano para sa katuparan ng mga pangarap ng isang pamilya.

Sa parehong senaryo ang isang anak naman ng desaparecidos ay may higit na sakit na nararamdaman, maaaring poo’t at galit sa mga taong dumukot o may kinalaman sa pagkawala ng kanyang magulang. Kung hindi sya magagabayan maaaring ito ay magtanim ng mas malalim na galit sa kanyang puso. Ito ay isa sa mga hindi naiintindihan ng ating mambabatas, silang mga magulang o hindi man ay walang pakialam sa nararamdaman ng pamilya ng isang desaparisidos kaya’t gayon na lang hindi pa rin naisasabatas ang Anti Enforced Disappearance Bill.

Kung makikita sana ng mga nasa pamahalaan at mambabatas ang paghihirap na nararanasan ng isang pamilya ng biktima ng pagwala. Kung maririnig sana nila ang hinaing ng mga puso ng bawat bata na uhaw sa kalinga at pagmamahal ng kanilang nawawalang magulang. Kung mulat lang sana sila sa mga kahihinatnan ng mga kabataang ito na walang gumagabay sa kanilang paglaki. Kung naiisip sana nila ang hirap na dinadanas ng isang ina upang palakihin ng mag-isa ang kanyang mga anak at maging ina at ama ng sabay. Kung…. Kung… Kung…. Cong… Mga Cong at Senador kung kayo sana ay hindi nabubulag ng inyong mga pagnanasa sa kapangyarihan ay inyong maririnig ang bawat hiyaw, sigaw at hinagpis ng bawat pamilyang nakikipaglaban para sa katarungan ng kanilang mahal sa buhay.

Ikaw na ating pangulo na nangakong tayo ay lalakad sa tuwid na daan, tuparin mo sana ang iyong pangako at kung tunay nga na kami ang iyong boss, dinggin mo sana ang panawagan ng mga kabataang ito ay nawa’y pawiin ng kanilang mga pagnanasa at hinaing ang iyong puso at gabayan ka ng ating panginoon upang mabigyan ng katarungan ang mga pamilyang biktima ng pagwala ng kanilang mga mahal sa buhay, gayon din ang mga bilanggong politikal na patuloy na naghihirap sa piitan. Alam namin na marami kang gawain na mahalaga para sa pagpapaunlad ng ating bansa lahat ito ay mahalaga para sa bawat pamilya subalit kung sana kahit na nasa State visit ka sa China mayroong nakikinig sa hinaing ng mga pamilya ng Desaparisidos na tumakbo noong nakaraang martes upang bigyang kahulugan ang Agosto 30, bilang “Araw ng Desaparisidos” ay makikita mo na kahit hirap na tumakbo ang mga bata at matatanda na sumama dito ay bukal sa kanilang puso ang ganitong gawain upang sila o ang kanilang mga mahal na nawala ay mabigyan ng katarungan at huwag ng maulit pa ang ganitong sistema na patuloy na umiikot simula pa noong panahon ng Diktadoryang Marcos.

Tama na, Sobra na, Masyadong masakit na….

Read more of Matrics ni Parics

Related articles

[Event] Invitation for a meeting-finalization of “Padyak Pakikiisa Para sa Karapatan ng mga Katutubo at Kalikasan PPP-KKK” – Save Sierra Madre

Posted on by Leave a comment

Mga kaibigan at kasama sa pagtataguyod ng karapatan ng mga katutubo at kalikasan,

Pagbati ng kapayapaan mula sa ECIP National Secretariat!

Ang Episcopal Commission on Indigenous Peoples (ECIP) ay isang komisyon ng Catholic Bishops’ Conference of the Philippines (CBCP) na katuwang ng mga kapatid nating katutubo sa halos apat na dekada na.  Pangunahin na adhikain ng aming komisyon ay ang pagtataguyod sa mga karapatan ng mga katutubo, pangangalaga sa kanilang lupaing ninuno at para sa kanilang sariling-pagpapasya.

Sa darating na buwan ng Oktubre kung saan ipagdiriwang ng simbahan ang taunang Linggo ng Katutubong Mamamayan (Indigenous Peoples Sunday) sa ikalawang Linggo ng nasabing buwan, ay nagbabalak na magkaroon ng isang pagsasama-sama  ng mga sumusuporta sa mga katutubo at kalikasan sa pamamagitan ng pagbibisikleta.  Pansamantalang tinaguriang “Padyak Pakikiisa Para sa Karapatan ng mga Katutubo at Kalikasan (PPP-KKK)”, ito ay nakatakdang ganapin sa Oktubre 8-9, 2011. Binabalak din na magmumula ang mga kalahok  sa iba’t-ibang panig ng Luzon  at magsisimulang pumadyak  sa San Fernando City, Pampanga hanggang makarating sa Katedral ng Antipolo City, Rizal.

Sa ganitong kadahilanan, kami po ay nag-aanyaya para sa isang paunang pagpupulong ng mga lider/kinatawan ng mga grupo o organisasyon at indibidwal na nagbibisikleta na susuporta sa nasabing pagdiriwang upang pag-usapan ang magiging detalye ng gagawing pagpadyak.  Ang pagpupulong  ay nakatakda sa Huwebes, Hulyo 7, 2011, mula ika-5 ng hapon hanggang ika-8 ng gabi dito sa aming opisina – Ground Floor, CBCP Bldg.,  470 Gen. Luna St., Intramuros, Manila.  Pamumunuan ang pagpupulong ng tagapangulo ng ECIP na si Arsobispo Sergio L. Utleg, D.D.

Sa mga nais dumalo at sa iba pang detalye, maaaring makipag-ugnayan sa ECIP National Secretariat sa telepono:  5274062/5274155, cp: 09163071469, o sa e-mail: ecipns@yahoo.com.ph.

Umaasa sa inyong pagdalo at aktibong pakikilahok,

Gumagalang,

TONY  ABUSO
Tagapag-ugnay

Related articles

[Sunday isyung HR] Joks are meant to be broken. Wasak!

Posted on by Leave a comment

April 24, 2011

Umaga ng April 22, 2011, naalala ko pa Dr. Love.  Pagkagising ko dumiretso ako sa CR, kinuha ang YOUtube ng toothpaste at aking sipilyo, tumingin ako sa salamin at nasabi ko sa sarili “Aba pang- FACEBOOK ang mukha ko ngayon a!”.

Naka-HAPPY face  🙂  ang araw sa labas habang nakikisama pa pati ang mga NETWORK ng mga ibon na nagtu- TWITTER , hindi kaya mating season? Na-SEARCH ko sa sarili. A TAG-araw na kasi.

Tapos habang nagtitimpla ng kape ay napa-YAHOO ako nang ma-DIGGS kong “Oo nga pala! Isang buwan na po sa online ang HRonlinePH! Aba Monthsary!” Umabot po ang HITS natin ng 4,500 nitong ika-isang buwan natin ng nakaraang April 22.  Madami na rin po ang nag-BLOG-surf at nag-VISIT sa atin.

Kaya napangiti ako at parang GOOGLE lang na nakikipag-CHAT sa sarili.  Na-LINK ko na ang dahilan, Kaya pala pakiramdam ko na on the blogSPOT ako that morning at no

WORDpresS can describe the feelings ay monthsary pala natin. Ang drama L.O.L!
Para nga akong baliw nung araw na iyon Dr. Love. Habang hinahalo ko ang kape asukal at tubig sa TUMBLR ay naka-SMILEY 🙂  ako.  Sana mag-MULTIPLY pa ang mga good COMMENTS at nagpa-FOLLOW sa ‘tin online. Marami pa sanang ma-STUMBLE UPON na  FRIENDSTERS.

Kaya Sunday nanaman, Easter, kaya isi-SHARE ng inyong Mokong na lingkod ang ilang mga kalokohang naiisip ko. Wala kayong choice, kaya sana LIKE nyo!

Para kanino ka bumabangon? The survey

Isang malawakang survey ang pinambuwiset natin sa umaga ng Easter ng ilang sikat na personalidad.  Nagpanggap po ang inyong Mokong and the Gang na taga SWS.  Hiniram natin ang isang sikat na tag-line ng commercial ng isang sikat na kape at itinanong natin sa kanila “Para kanino ka bumabangon?”

Heto po ang kanilang mga sagot…

PNoy: (Habang palabas ng kanyang Porsche, dito kasi siya natutulog) Ako bumabangon ako para…
1. Para Labanan ang kahirapan at kurapsiyon. Kung walang kurap, walang mahirap!
2. Para sa matuwid na daan. (kaya pala mahilig kasi siya sa kotse.)
3.Para sa Responsible Parenting Bill (O ha, o ha! Tinanong po natin kung OK lang sa kanyang ilabas natin ang sagot niyang ito, Ok lang daw hindi naman siya takot sa excommunication)

Mar: (Habang nakahiga sa kama sa tabi ni Corina) Bumabangon ako para sa
1.    Country above SELF (parang ‘di maka-move on)
2.    Palengke (naalala ko pa to a.)
3.    Sunod na eleksiyon

Merci: (Nagulat nang mamulatang nasa tabi niya tayo habang pabangon sa pagkakatulog sa ibabaw ng mga papeles niya sa opisina) Ako bumabangon para sa
1.    Mga kasong nakasampa sa opisina ko. Para naman mahigaan ko ulit at the end of the day. Paano ako makakahiga ulit kung hindi ako babangon? (ang talino, logical)
2.    Plea Bargain Agreement. Pag dating diyan mahirap ang tutulog-tulog. (Sure na sure a!)
3.    Babangon ako pero hindi ako bababa sa pwesto! Make that clear! (ang labo!)

Mr. and Mrs. Ligot: (Naabutan naming hindi pala napagkakatulog ang mag-asawa) kami bumabangon kami para sa
1.    I invoke my right against self incrimination. Me too. (Sagot ng dalawa nang walang kagatol-gatol)
2.    I invoke my right against self incrimination. Me too. (Sagot ulit nang walang kagatol-gatol)
3.    I invoke my right against self incrimination. Me too. (Ang kulit niyo a! Kaya pala hindi makatulog kinakabisado niyo ‘yan gabi-gabi.)

File photo by afterlives.blogspot.com

Ferdi: (Sumagot nang hindi tumayo at dumilat ang mga mata, niye!) Ako bumabangon para…
1.    sa libingan ng mga bayani. Ayaw ako dalhin don, ako na mismo ang pupunta don. (Determinasyon)
2.    para maka-attend sa unveiling ng Hall of Heroes ng AFP. (Honorable)
3.    Sa mga avid supporters ko sa Congress. After this I’ll share my ill gotten blessings with all of you. (Thankful! Ang sabi pa niya hindi niya mumultuhin ang mga kumukontra kasi naman mas marami ang sumusuporta. Isa pa pinatawad na niya ang bayan sa pagpapabagsak sa kanya. ‘Yan ang bayani! )

Erap: (Habang nasa kama sa tabi ng hindi na pinayagang banggitin pa ang pangalan at address ng tirahan) Ako bumabangon para sa
1.    Mahihirap. Erap para sa mahirap. (Consistent)
2.    Sa mga mahal ko sa buhay. Ang dami nila kaya ako nagkaproblema sa tuhod kababangon ng kababangon para sa kanila.
3.    Sa mga kaibigan, kapatid at mga kamag-anak. Pwede naman ngayon yun di ba? Di pa naman eleksiyon.

GMA: (Habang bumabangon mula sa pagkakahiga sa kama na puno ng pera) Ako bumabangon no para sa
1.    Mga taga Pampangga no.
2.    Sa pagsalag sa mga kaso ko no.
3.    Saka na ako babangon para sa ating bansa pag Prime Minister na ko no.

Mikee: (Habang bumabangon mula sa garahe, dito daw siya natutulog. Ows?) Ako bumabangon para sa
1.    Sa mga tricycle drivers at mga security guards
2.    Sa aking milyones, kinita ko ‘yan sa pagdadrive ng tricycle, di niyo lang alam dahil sinikreto ko.
3.    Sa pagsalag sa tax evasion case. ‘yan nalaman niyo na sikreto ko. (Kala mo lang wala, pero meron! Meron! Meron!)

Lacson: (Habang bumabangon mula sa pagkalugmok at pagtatago) bumabangon ako para
1.    Sa senado, dami ko atang naiwang trabaho.
2.    Sa RH Bill (O ha! Mahusay sa pagpili ng isyu.)
3.    Sa mga nakatulong at kumupkop sa ‘kin noong nagtatago ako. (Secret daw kung sino-sino sila at mahirap na magbanggit baka may magtampo pag nakalimutan)

Willie: (Inangat ang ulong nakasubsob sa lamesa habang nasa tapat ng laptop, dito na kasi siya nakatulog) Ako bumabangon ako para sa
1.    Twitter, minomonitor ko ang mga twits nila Lea Salongga, Jim Paredes, Tuesday Vargas atbp mga ka-industriya kong balak kong idemanda… soon
2.    Wiwing wiwee, siyempre paggising mo wee-wee ka no. (habang kumakanta ng “I love you, mahal na mahal kita, yan ang pag-ibig ko…”)
3.    Paghahanda sa pagbabalik ko sa TV. Pracrice ako everyday na hindi maging bastos. Hirap ata non.

Lucio Tan: (Habang bumabangon sa pagkakahiga sa kamang ginto, sa kwartong sinlaki ng Naia sa isang lugar na amoy fortune tobacco) Ako bangon para sa
1.    Aga gising salo biyaya
2.    Mangagawa ng PAL basta hindi PALEA,tanggal ko sila… soon
3.    Para migay pera. Share para paborable negosyo.

Baldoz: (Habang bumabangon mula sa loob ng bulldozer, dito na daw natutulog)
1.    Sa pagsalo sa ipapasang biyaya (parang may kaparehas?)
2.    sa mga mangagawa, hindi na kasama ang mga matatanggal sa PAL. Nagdesisyon na ko diba? (para talagang may kapareha?)
3.    sa mga pagsasaayos ng polisiyang paborable sa bansa.

Mga biktima ng Landslide sa Mining village sa Compostella Valley: (Habang bumabangon sa guho) Bumabangon kami para sa
1. para maging modelo ng trahedya sa mining area
2. para sa magbigay bababala sa iba pang probisyang minimina
3. para multuhin ang Mining company (hihihi nakakatakot)

Resulta ng survey: Ang mga sumusunod ang napatunayan ng survey na ito…
1.    Hindi pala sila bumabangon para magkape
2.    Hindi pala sila bumabangon para magsipilyo o maghilamos
3.    Bumabangon pala ang mga sikat na personalidad sa kabila ng kanilang mga isyung hinaharap.
4.    Pati pala ang mga patay ay kayang bumangon sa pagkalugmok.

Sa mga kasagutang ating nahita- minumungkahi natin na mainam gamitin silang mga modelo sa patalastas ng sikat na kape. Ang survey na ito ay gawa-gawa lamang.  Ang mapikon talo. Ang maniwala mokong!
——————————————————–
Mokong Quote of the day…

Mensahe ni Benigno S. Aquino III,Pangulo ng Pilipinas Sa sambayananng Pilipino Sa panahon ng Kuwaresma, 2011

“Ang pagbuhos ng mga biyaya at mabuting balita sa ating bansa ay patunay na tama ang tinatahak nating landas. Hangga’t pinapantayan natin ng sipag ang ating mga dasal, hangga’t sama-sama tayong pumapasan sa ating bayan, hangga’t nakatuon tayo sa kapakanan ng nakakarami kaysa sarili, wala ni anumang kalbaryo, wala ni sinumang Herodes ang makakapigil sa atin tungo sa pagbabagong inaasam.”
Sipi mula sa http://www.gov.ph.

The Mokong translations…
“Ang pagbuhos ng mga isyu at masasamang balita hinggil sa karapatang pantao sa bansa ay patunay na kadudaduda kung tama nga ang tinatahak nating landas. Hangga’t sa kabila ng sipag at mga dasal, hangga’t tayong mahihirap lang ang pumapasan sa ating bayan, hangga’t nakatuon tayo sa kapakanan ng nakakarami sila nama’y nananatiling makasarili, wala ni anumang kalbaryo, wala ni sinumang Herodes ang makakaawat sa atin igiit ang pagbabagong inaasam.”
Sipi mula sa http://www.mokong.ph

The Mokong ways…
Maraming salamat po mga ka-Mokong at ka-Mokang sa inyong pagtityaga.  Hanggang sa sunod na Linggo,  Aksiyon Bente 24 sa Bandilang totoo, dahil dito ang mga balita ay hindi totoo.

Ito ang inyong mokong na lingkod na nagsasabing “Mokongs and mokangs of the world unite! We have nothing to loooooose coz we have nothing at all!”

Related Articles

[Sunday isyung HR] Joks lang po!

Posted on by Leave a comment

Bato-bato sa langit, kapag tinamaan sinong hindi magagalit! Joks lang po!    
April 17, 2011

Warning No1: ang hindi tumawa, sayang ang oras at nagbasa pa nito. Ang tumawa naman Mokong. Pag babae ka Mokang. Pag nagpunta sa showbiz- Mocca. Sa Japan Moka Mo. Sa U.S. Moka your face. A basta!

Its Sunday again! Eto nanaman po ang trying hard na si Mokong and his gang upang patawanin kayo (kung ayaw niyo e ‘di ‘wag niyo. Hahaha!)

Nakakuha po tayo ng feedback sa post natin last Sunday, akalain mo ba namang natuwa sa ‘tin. Palibhasa mokong din.

“The column was wonderful and fun to read! Splendid, mind blowing, wonderfull!”

Hindi po ‘yan ang sinabi niya. Basta ang sabi niya “tol kayo ba ang sumulat ng joks? Ang galing!” habang namimilog ang kanyang mga mata (alam mo na kung sino ka).

Nainsulto ako, “bakit duda ka?” at nagsuntukan kami… Joke!
Pero ang totoo po isa lang siya. Ewan ko sa iba. Hahaha!

Da mokong eksperiment
Kaya naman nag-eksperimento-eksperementuhan po kami.  Sinubukan ko sa isang batang walang muwang ang mga jokes bago namin i-post for public consumptions.
Subject: Totoy
Gender: Male
Age: 5 years old
Status: single
Relationship: wala po kapitbahay ko lang po siya (‘di po ako pedopilya!)
Description: hindi pa nakasali sa anumang game show.

Mokong: Totoy halika dito, may joke ako. (Findings: sa pagkasabi ko pa lang ng word na joke naestablished ko na ang mood.)
Totoy: (walang reaksiyong nakatingin sa ‘kin, pero sigurado akong nag-iintay sa Joke)
Mokong: (buong sigla, excited at hyper na deniliver ang mga jokes below with matching hand gestures and facial expressions… read jokes below)
Totoy: (matipid na ngumiti ang bata)
Mokong: (frustrated… kailangang matawa ang bata. Kaya naman pinanlakihan ng mata)
Totoy: (akmang tatalikod at aalis na upang maglaro dahil hindi naman mainindihan ang pinagsasabi ni Mokong)
Mokong: (hinawakan ang bata sa balikat) hindi pa tayo tapos.
Totoy: (nagsimulang umingit… ilang sandali pa ay umiyak nang malakas)
Mokong: (nabigla sa pangyayari)
Ina: (lumapit sa anak anak na umiiyak) o bakit? Napaano ka?
(nagpatuloy lamang ang bata sa pag-iyak)
Mokong: e nagjojoke po ako mukhang hindi niya nagustuhan. Hahaha.
Ina: (Nakangiting pinapahid ang luha ni Totoy) para yun lang. iyakin naman ito (wika ng ina sa anak).

Findings:

  • Ang akala ng iba ang ok lang sa matatanda ay ok lang din sa mga bata. May mga bagay na hindi kayang arukin ng isip ng mga bata kaya naman nagiging nakakatakot ito sa kanila.  Katulad ng jokes ko at pagpapatawa na horror na pala ay pinagpipilitan ko pa sa 5 taong gulang na si Totoy.
  • Sa hangarin kong makapagpatawa ay nasobrahan ko na pala.  Ang masakit pa nito ay parang wala lang para sa kanyang ina. Sa halip ang bata pa ang nasisi at dahil iyakin pa daw siya. Tsk! Tsk!

Therefore I conclude.  Hindi nakakatawa sa mga bata ang mga jokes ko. Hahahaha! Magets kaya ito ni _______ kung mababasa niya? Hops baka idemanda mo ako. (napaisip ako… kaso na ba ngayon ang maging korni?)

Disclamer: Walang bata o hayop na nasaktan sa palabas na ito. Dahil kathang isip lang naman ang pangyayaring ito. Tanging ang nag-aasal hayop lamang ang nasakripisyo.

HRscope by Mokong and the gang
Sa mga pangyayari sa nakaraang mga araw hindi maiwasan konsultahin natin ang mga bato sa langit na magpahayag ng kanilang mga payo.  Sadya lang iniwasang ilabas ito sa twitter dahil baka tayo ay mabulyawan.

Payo ng mga bato-bato sa langit para sa mga pinanganak sa Pilipinas: Warning! Warning! Simula ngayon, bago na ang konsepto ng dignidad at dangal. May bagong values na ipinalalaganap. Sinlakas ito ng intensity 9.8 na lindol.

Warning No2! Karangalan na ang bastusin.
Para kay Kristy Fermin: Dadagsa ang magtatangkang ikaw ay bastusin. Labanan mo sila at manindigang mariin. Kay Willy lamang iyong siguraduhing pambabastos ay manggaling.  Sige na karangalan mo na ang mabastos niya huwag na lang idamay ang buong bansa.

“Isang karangalan ang bastusin ni Willie.” By Kristy Fermin

Sa pag-ibig: suswertehin ka at makakatagpo ng maginoo pero malas kasi medyo bastos lang siya.
Sa numero: iwasan ang 2 at 7 dahil 5 ang swerte sa yo.
Sa kulay: Berde ang magdadala sa ‘yo ng pinakahahangad na karangalan. Umiwas sa Violet dahil ito ang kulay ng mga kababaihang lumalaban sa mga bastos.

Para kay Willie: Lalaging ang bituin mo ay sisikat.  Dahil madami ang mahihirap na sa iyo ay mangangarap.  Ang mga kritiko ay di iilap, dadagsa sila kaya mag-iingat. Iwasang magbasa ng twiter.
Sa pag-ibig: Mahal na mahal ka ni Kristy Fermin. Dahil karangalan niya ang bastusin mo siya.
Sa numero: swerte ang 2 at 7 at wala ka na sa kanila.
Sa kulay: orange ang paboritong kulay baka lang sa dagat ng basura ikaw ay madamay, Swerte ang kulay berde sa mga pagpapatawa, malas nga lang din sa bandang huli, kaya madalas masuspinde dahil sa patawang kulay berde.


Warning No.3! kabayanihan na ang maging diktador at human rights violators.  
Para sa mga human rights defenders: Katulad ng nakaraang basa natin sa dikta ng mga bato-bato sa langit, nanatiling ang human rights violations ay dadagsa, kaya naman inyong career ay sisigla, lalo pa’t dito sa ating bansa, bayani ang mga diktador at tuta, dadami lalo sila.
Iwasan din ang pagpapakalat ng video at picture ni Jan-jan. Dahil baka sa halip na makatulong ay lalo pa ninyong mapalala ang sitwasyon ng bata.
Sa kulay: Hindi pa rin makakaiwas sa pula. Dahil kahit anong kulay mo pula pa rin ang tingin ng mga militar at pulis sa inyo (color blind!).

Para kay Ferdi: Ayon sa mga bato-bato sa langit, mamamayagpag kang muli.  Ang mga kakampi sa kogreso sadyang dumadami.  Tiyaga lang at pasasaan ba’t sa libingan ng mga bayani, ika’y malilibing at doo’y mananatili.  Subukang tumakbong muli, baka manalo ka pa kahit sawi. Tutal may mga multong nakakaboto ang iba nga ay nagwawagi dahil sila ay marami.
Sa Pag-ibig: Swerte sa pag-ibig ngayon. Dahil may 219 na kongresistang nagmamahal sa ‘yo.
Sa Numero: Swerte sa numerong 219 at 1135.
Sa kulay: Minalas sa Presidenteng dilaw noon baka swertehin at makalusot sa Presidenteng dilaw ngayon.

Para sa mga anti-Marcos: May sisikat na bagong slogan… “Marcos Hitler! Diktador Bayani!” Lalaging mapagmatyag dahil baka masayang ang pinaglaban nang mahabang panahon.
Sa pag-ibig: Mahal mo pa rin siya ang tanong ay kung mahal ka pa rin niya, baka nakalimot na ang bayang ginigiliw?
Sa numero: iwasan ang mga numerong 2, 1 at 9.
Sa kulay: sa gulay makulay ang buhay. Wala lang.

Para sa bantayog ng mga bayani: Huwag maalarma. Hindi naman sa bantayog ang pangalang Marcos ay ipipilit isama. Ngunit magkakaron ng kakumpetensiya. Dahil gagawa na lang sila ng bago at iba, doon ay nakahilera, Bayaning Marcos, at may reserved na espasyo pa. Para kila bayaning Imelda, Palparan, GMA atbp. Why not?

Para kay PNoy: Ang darating na Linggo ay magiging mapayapa at safe.  Mananatili ka pa ring playing safe. Hindi nga lang palaging paborable sa ‘yo lalo na ang mga kamag-anak mo ay hindi naman playing safe. Ngayong mahal na araw umiwas sa mga lugar na maraming buko, kaya huwag munang pumunta sa Cojuangco farms at doon ay maraming coco.
Sa pag-ibig: May babaeng foreigner na mali-link sa ‘yo. Baka taga-Mars siya. Wala lang intriga nga e.
Sa numero: Dadami ang mga numerong malas.  Para sa linggong ito malas ang 4.1 milyong pamilya, gutom sila, believe it or not.
Sa kulay: Ilabas ang totoong kulay tutal halata naman na nila. Baka swertehen ka pa.

Para kay Mercy: Huwag mawalan ng pag-asa, maari ka ring maging bayani.

Tandaan: Ang mga sinasabi ng bato sa langit ay gabay lamang. Hindi pinipilit paniwalaan, kung tinatamaan pasensiyahan.

Warning No 4! Tsunami alert!

Mokong the newscaster:  Magandang gabi po! Ito po si Mokong Enriques ihahatid sa inyo ang Aksiyon Bandila Bente Kwatro! Dahil dito ang balita ay hindi totoo.

Isang tsunami alert ang inilabas ngayon ng mga mangagawa ng PALEA. Alert level 4 na daw ang Tsunaming raragasa sa mga mangaggawa ngayong pinapaboran ng pamahalaan ang negosyateng si Tan.

Samantala, nag-aalerto na rin ang tsunami sa presyo ng langis.  Kasalukuyang nalulunod na ang mga drayber sa pagtaas ng presyo habang itinutulak naman nila ang pagtaas din ng pamasahe.

Sa kabilang dako naman ay humihingi ng saklolo ngayon ang mga mamamayan dahil sa pinsalang idinudulot ng pagtaas ng mga bilihin. 4.1 na ang nasurvey na nagugutom.

Kasalukuyang nagrereklamo ang mga hindi nabilang sa survey.
Kasalukuyan pong naglalamyerda sa kalye ang ating tagapag-ulat na si Mokang Tiangco. Mokang Tiangko pasok!

Mokang the reporter:  Kasalukuyan po akong nandito sa exclusive village na exclusively prohibited ang pagbili ng condom.  Isang residenteng ayaw humarap sa kamera ang nagrereklamo.  Galit na galit siya dahil matapos niyang kumuha ng reseta upang bumili ng condom sa botika ay pinalista ang kanyang pangalan sa isang logbook.  Kinabukasan ay nakita na lamang niyang nagpa-flash ang kanyang pangalan sa electronic billboard sa entrada ng village. Ang nakalagay “60 year old Mariang Palad used condom last night.”
Warning No.5! Holy Week it’s Earth Day!
Mahal na araw at earth day po, kaya naman ang ating quote of the week ay…

“Ama patawarin mo po sila, hindi nila alam ang kanilang minimina.”

Nagnosebleed po ako at ang ating gang. Nagtsunami ng dugo mula sa pinagsamasama naming ilong. Mabuti na lang walang sumamang utak (baka wala ngang utak na sasama). Sinubukan po naming i-translate o isalin sa sarili nating setting ang tulang “TREES” at heto po ang nangyari…

TREES                                                                  Uno, Dos, TREES!
by: Joyce Kilmer (1886-1918)                           by: Mokong and Joy Kill me 

I THINK that I shall never see                          I think I shall never see
A poem lovely as a tree.                                      A mountain with no trees

A tree whose hungry mouth is prest                 A mine firm whose hungry mouth is pressed
Against the earth’s sweet flowing breast;         Against the earth’s sweet flowing breast

A tree that looks at God all day,                         a company that looks for gold all day
And lifts her leafy arms to pray;                        and lifts its backhoe arms to its prey

A tree that may in Summer wear                     a tree that may in summer wear
A nest of robins in her hair;                               a nest with no robins and even no hair

Upon whose bosom snow has lain;                    upon whose bosom people were slain
Who intimately lives with rain.                          Who intimately lives with flood when it rains

Poems are made by fools like me,                     poems are made by fools like
But only God can make a tree.                          But only Gold can make them happy.

Bukas pa rin po ang Mokong gang para sa mga kontibusyon ng patawa at pang-aasar! basta pumasa sa panlasa ng Mokong at Mokang ilalabas po natin!

Hanggang sa sunod na Sunday ito po ang inyong Mokong na nagsasabing…“All mokongs ang mokangs of the world unite! We have nothing to loooose coz we have nothing at all!”

[Blogger] (Un)Proud to be Pinoy… Sa ganitong sirkumstansiya- olegs87.wordpress.com

Posted on by Leave a comment

http://olegs87.wordpress.com/2011/04/13/unproud-to-be-pinoy-sa-ganitong-sirkumstansiya/
by Olegs

 

Picture nicked from wired.com

Tama nga siguro sinabi dati ni Bro. Armin Luistro, FSC (na ngayon ay kalihim ng DepEd) noong panahon ni GMA. Sa mga panahong ang ating dignidad bilang tao ay niyuyurakan at ang ating demokrasya’y nanganganib na mawala, sa panahong kapwang Pilipino ang siyang may kagagawan, NAKAKAHIYANG MAGING PILIPINO. Noong una kong nalaman at narinig yan (salamat sa aking kaibigan-kapatid na volunteer na si Reymond Montejo), nagpanting talaga ang tenga ko. Sabi ko pa nga, ang pagka-Pilipino natin ang isang bagay na di mawawala sa atin. Kapag ikinahiya mo ang pagka-Pilipino mo, ikinahiya mo na din ang buong pagkatao mo kasi siyempre Pilipino ka eh. Napaliwanagan naman ako ni Mr. M, ngunit ‘di ko lubos na matanggap.

Ngunit ngayon at lumabas ang House Resolution 1135, kung saan ang isang dating
Diktador na naging modelo ng isang marahas, mapanupil at gahaman na pamamahala ay ihihimlay katabi ng mga nag-alay ng buhay para sa kapayapaan at kalayaan at buhay ng lahat, nagbalik sa akin ang mga kataga ni Bro. Armin. Nahihiya ako kasi marami sa atin ngayon, partikular ang mga mambabatas natin, ay sang-ayon dito.

Isipin niyo nalang kung bakit galit na galit tayong lahat kay GMA dahil nahahalintulad natin siya kay Macoy, diba? Baka sa susunod na henerasyon pati si GMA ay ilibing sa Libingan ng mga Bayani. Para na rin natin sinabing bayani si GMA. Kung ganun pala eh di gawin na rin nating modelo at bayani sila Mussolini at Hitler at iba pang mga pasistang diktador!

Proud tayo na bayani natin si Dr. Jose Rizal dahil sa kanyang pamamaraan. Minulat niya tayo upang labanan ang mga kleriko-pasista at imperiyalistang kastila. Proud tayo na bayani natin si Andres Bonifacio at mga katipunero sapagka’t mas pinili nila na lumaban upang iangat ang dignidad ng mga ”indio” at patalsikin ang mga dayuhan. Proud tayo kina Macario Sakay kasi di sila nalinlang sa mala-gintong pangako ng mga kano at lumaban para palayasin sila. Proud tayo sa mga hukbalahap at ibang gerilya dahil hindi sila natinag laban sa mga hapon. Sila ang mga tunay na bayani at hindi ang mga tulad ni Marcos na kumitil ng maraming buhay sa ngalan ng kayamanan at kapangyarihan!

Nasaan na ang “sense of history” natin? Nasan na ang “sense of justice” natin? Masyado ba tayong magpakumbaba at mapagpatawad sa punto na ililibing natin ang isang diktador katabi ng mga tunay na bayani? Wala na bang saysay ang People Power? Mas pipiliin ba nating kalimutan ang makasaysayang pagpapatalsik sa isang diktaturya para sa isang huwad na paraiso na pinangako ni Macoy? At kung ikaw ay sumagot ng OO proud ka pa rin ba na maging Pilipino?

[Sunday Isyung HR] Joks R Hapments!

Posted on by 8 comments

All mokongs of the world unite! we have nothing to loooose coz we have nothing at all! hahaha! (ako lang ba natawa?)

By Mokong and his gang

Pinoy HRscope
It’s Sunday! Sa ma-isyung buong linggong nagdaan, why not give Sunday a break. Magpaka-korni tayo kahit ilang sandali lang. Bilang panimula, here is our Pinoy HRscope tungkol sa mga what ifs… Ang mapikon talo…

Kinunsulta natin ang mga bituin sa lupa at ito ang kanilang mga sagot…

1.    Para sa mga tagapagtanggol ng karapatang pantao (Human Rights Defenders), ang susunod na taon ay magiging masigla para sa inyo. Pero hindi Masaya. Hindi mawawala ang inyong relevance kasi naman dadagsa pa ang mga human rights issues.
Sa pag-ibig, Swerte dahil mapagmahal sa kapwa tao, mag-ingat lang baka maisyuhan.
Sa numero, swerte ang lahat ng numero.
Sa kulay, pula pa rin ang kulay ng buhay, itim ang kulay ng patay. Swerte ang pula depende sa gamit, mag-ingat lang at baka mapagkamalang pulahan (e ano ngayon?!).

2.    Para naman sa mga biktima, wag masyadong mag-alala hindi kayo nag-iisa, madami pang iba.

3.    Para sa mga tortyurer mag-ingat at baka mahuli. Malas yari at makukulong.  Swerte naman at maaring mapromote dahil sa hindi pa ipinatutupad ang batas.
Sa pag-ibig, wala ka non kaya hindi ka swerte.
Sa numero, swerte sa numerong, 9, 7, 4 at 5. Huwag lang pagsamahin at malas lalo na pag dinugtungan pa ng mga titik R at A.

4.    Sa mga disappeared, dinukot o sapilitang winala, mananatiling mailap ang hustisya, hindi priority ni PNoy ang batas laban sa Enforced Disappearance.

5.  Kay Willy, swerte ka at malapit sa mahihirap, hindi ba’t kumita ang show mo ng malaki? Malas ka at ang bituin mo ay lalamlam, mag-iingat ka na sa mga biro mo sa bata at babae. Peace!

5.    Kay Lucio Tan, Swerte ang negosyo mo sa Pilipinas, swerte obyus ba? dagsa ang profit, ang yaman-yaman mo na.
Sa numero, swerte ang mga numerong 2,600 kung hindi magkakaisa. Kung matatanggal mo sila.  Malas kung ang 2,600 na mangagawa ay magprotesta, yari ka, lalo’t dumadami pa sila.  Sa kulay– umiwas sa multicolors, iba’t-ibang kulay na ang kalaban mo!

6.    Kay Pnoy, magiging masigla ang mga sunod na taon, wag mawawalan ng pag-asa, pinasok mo yan kaya panindigan mo. Ang milyong boto noong nakaraang eleksiyon ang nagdala ng swerte sa ‘yo, mag-ingat lang at eto rin ang magbabagsak sa ‘yo.
Sa pag-ibig, swerte ka pa at maraming iibig sa ‘yo. May magbabalik na pag-ibig lalo at wala na siyang show. Mag-ingat sa mga pangalang Porsha at Mercy.
Sa numero, swerte sa numerong zero (0) kung 0 human rights violations, malas ang numerong 0 dahil 0 ang human rights agenda mo.  Alam mo na kung ano ang pangontra.
Sa kulay, yellow pa rin ang swerte mo, huwag lang ikulay sa porsche at magiging malas ito.

Kinunsulta din natin ang mga bituin sa malakanyang… pinagpanggap natin si mokong na reporter, eto ang usapan sa nila.

Counting on me
Mokong: Ngayon po Mr. President ay ika-9 months niyo na po sa Malacanang, ayon sa data ng mga Human Rights Defenders 16 na ang EJK cases, 2 ang sapilitang winala at 16 ang natortyur, anong masasbi niyo dito Mr. President?
Mr. Pres: Yes I’m aware of that, the people are really COUNTING on me.

Justiis
Mokong: According sa statistics din ay wala pa ni isang napaparusahan magpahanggang ngayon sa mga human rights violators, anong masasabi niyo diyan Mr. President?
Mr. Pres: Yes I’m aware of that, the people are really COUNTING on me.
Mokong: How about ang isyu tungkol sa hacienda Luisita?
Mr. pres: Ano ka ba pinapalala mo pa nakalimutan na nga.
Mokong: e ang hustisya po para sa 57 maguindanao massacre victims?
Mr. Pres: o ayan ka nanaman, you’re COUNTING again.

Pnoychinoy
Mokong: Ang isa sa matinding isyu ng nakaraang linggo ay ang pagprotesta ng PALEA, what can you say to that sir?
Mr. Pres: kailangan natin ng win-win situation, alam mo I’m half Pinoy half Chinoy… gets mo?
Mokong: Naglabas po ng statement of support ang CBCP…
Mr. Pres: Yes I know, may sarili akong pag-iisip tungkol diyan sa mga isyung ‘yan, saka ko na sasabihin…at the right time at the right place.
Mokong: Saan po at kailan po?
Mr. Pres: Secret…

Quotation

“Matalino man ang matsing, matsing parin.”

Announcement

Para sa mga nakornihan pati na rin sa natawa, at may mas nakakatawang mga sulatin… wag nang magdalawang isip tulungan niyo kami.Hahaha

Maari ninyong i-submit ang inyong mga HR jokes sa HRonlinePH@gmail.com. Syempre tingnan natin kung ayos lang ilabas. No below the belt(depende).

All mokongs of the world unite! we have nothing to loooose coz we have nothing at all! hahaha! (ako lang ba natawa?)