Tag Archives: KATAPAT

[Statement] Kinukundena ng KATAPAT ang pagpapasa ng panukalang batas na nagnanais ipagdiwang ang buhay ni dating pangulong Ferdinand Marcos

Posted on by Leave a comment

OPISYAL NA PAHAYAG NG KABATAANG TAGAPAGTANGGOL NG KARAPATAN (KATAPAT) HINGGIL SA PAG-APRUBA NG KAMARA SA PANUKALANG BATAS NA NAGNANAIS IPAGDIWANG ANG KAARAWAN NI DATING PANGULONG FERDINAND MARCOS BILANG ISANG NON-WORKING HOLIDAY SA ILOCOS NORTE

Mariing kinukundena ng Kabataang Tagapagtanggol ng Karapatan (KATAPAT) ang naging hakbang ng Kamara sa pagpapasa sa ikatlong pagdinig ng isang panukalang batas na nagnanais ipagdiwang ang buhay ni dating pangulong Ferdinand Marcos, isang pasista at diktador, tuwing ika-11 ng Setyembre sa Ilocos Norte.

Ito ay lantarang pagbastos sa dangal, buhay, at sakripisyo ng mga naging biktima ng Batas Militar, ng mga nagmartsa sa lansangan noong 1986 na nauwi sa pagpapatalsik kay Marcos, at ng mga tumindig para sa karapatang pantao at demokrasya sa Pilipinas. Nakakagalit isipin na ang mismong buwan ng paggunita sa buhay at pakikibaka ng ating mga martir ay magiging buwan na rin ng paggunita sa mismong tao na nagpalaganap ng mga pag-aresto at pagpaslang sa mga tagapagtanggol ng karapatan, sa mismong tao na nagmalabis sa kapangyarinhan, sa mismong tao na nagnanakaw sa kaban ng Bayan.

Huwag sanang kalimutan ng 197 na mambabatas na pumabor sa panukalang batas na ‘to na si Marcos mismo ang nagbuwag sa Kongreso upang palitan ito ng Batasang Pambansa na napasailalim sa kanyang kapangyarihan. Hindi bayani si Ferdinand Marcos sapagkat isa siyang taksil at pasista na nagpahirap sa mga mamamayang Pilipino sa loob ng labing-apat na taon.

Tayo ay patuloy na manindigan sa tuwid na naratibo ng ating kasaysayan.

#NotoHistoricalRevisionism
#MarcosIsNotAHero
#DefendDemocracy

Submit your contribution online through HRonlinePH@gmail.com
Include your full name, e-mail address, and contact number.

All submissions are republished and redistributed in the same way that it was originally published online and sent to us. We may edit submission in a way that does not alter or change the original material.

Human Rights Online Philippines does not hold copyright over these materials. Author/s and original source/s of information are retained including the URL contained within the tagline and byline of the articles, news information, photos, etc

[Campaign] Nakakaranas ka ba ng red-tagging, surveillance, o death threats dahil sa mga adbokasiya mo?-KATAPAT

Posted on by Leave a comment

Nakakaranas ka ba ng red-tagging, surveillance, o death threats dahil sa mga adbokasiya mo?

Ireklamo ‘yan! Mag-message lang sa aming hotline at mga social media accounts:

Contact numbers: 09292120034 (Smart) | 09260621620 (Globe)
Email: katapat.helpdesk@gmail.com
Facebook: facebook.com/KarapatangPantaoPH
Twitter: @katapat_ph

Magmatiyag at makibaka! Mag-volunteer sa Kabataang Tagapagtanggol ng Karapatan!

Mag-apply lang sa tinyurl.com/KATAPATVolunteers

Ang mga may pagsasanay sa abogasya ay maaaring sumali sa aming paralegal team!

#ProtectHumanRightsDefenders
#HumanRightsForAll

Photo from The Star

Submit your contribution online through HRonlinePH@gmail.com
Include your full name, e-mail address, and contact number.

All submissions are republished and redistributed in the same way that it was originally published online and sent to us. We may edit submission in a way that does not alter or change the original material.

Human Rights Online Philippines does not hold copyright over these materials. Author/s and original source/s of information are retained including the URL contained within the tagline and byline of the articles, news information, photos, etc.

[Statement] Panawagan ng pagkakaisa laban sa pananakot at pandadahas sa mga maralita -KATAPAT

Posted on by Leave a comment

Mariing naming kinukundena ang patuloy na pandarahas sa mga maralita sa gitna ng pinapatupad na Enhanced Community Quarantine. Simula pa lamang ng Enhanced Community Quarantine ay wala nang konkreto at malinaw na plano ang administrasyon ni Pangulong Rodrigo Duterte para sa ating mamamayan.

Noong unang mga araw ng quarantine, karamihan sa ating mga kababayan, kabilang na ang mga frontliners, ang naglakad ng kilo-kilometrong layo para lamang makauwi sa kanilang mga pamilya. Iyong iba ay hinarangan pa sa mga checkpoint at nagdulot ng pagka-stranded ng daan-daang mga manggagawa at empleyado.

Maliban dito, kamakailan lang ay ilan sa ating mga kababayan ang lumabas ng kanilang mga bahay sa Sitio San Roque sa Lungsod Quezon upang humingi ng makakain para sa kumakalam na sikmura ng kanilang pamilya. Ngunit, imbes na pagkain ang ibinigay sa kanila, dahas ang isinukli ng mga pulis at ikinulong pa ng ilang araw ang ilan sa kanila.

Matapos ang pangyayaring ito ay sinimulan ng ating mga kababayan ang community kitchen sa Sitio San Roque upang tulungang makakain ang mga residente nito. Ngunit kahapon lamang nang umaga ay nambulabog, nang-harass, at nagdala ng intimidasyon ang halos labinlimang pulis sa mga kababayan nating nagbabayanihan sa community kitchen sa San Roque.

Ilang araw lamang din ang nakalipas ay may ilang kababayan din tayong nagtitinda ng mga gulay sa Quezon City ang hinuli at ikinulong ng mga pulis.

Pinapatunayan lamang ng Administrayong ito na ang pinangangalandakan nilang “Tapang at Malasakit” noong mga nakaraang halalan ay huwad at walang katotohanan. Mas pinipili pa ni Pangulong Duterte ang magsalita nang marahas sa harap ng publiko kaysa maglatag ng malinaw at konkretong plano na may malasakit sa mga maralitang Pilipino.

Submit your contribution online through HRonlinePH@gmail.com
Include your full name, e-mail address, and contact number.

All submissions are republished and redistributed in the same way that it was originally published online and sent to us. We may edit submission in a way that does not alter or change the original material.

Human Rights Online Philippines does not hold copyright over these materials. Author/s and original source/s of information are retained including the URL contained within the tagline and byline of the articles, news information, photos, etc.

[Statement] Panawagan ng pagkundena sa pananakot sa Punong Patnugot ng UE Dawn -KATAPAT

Posted on by Leave a comment

Mariing naming kinukundena ang pananakot at tangkang pagbusal sa karapatang magpahayag ng punong patnugot ng University of the East Dawn.

Pinatawag si Joshua Molo sa barangay hall ng San Fernando Sur sa Cabiao, Nueva Ecija matapos niyang ipaabot sa social media ang kaniyang dismaya sa ilan sa kanyang mga dating guro. Ito ay matapos gawing katawa-tawa ng mga nasabing guro ang kanyang naunang post na nagpapahayag ng kaniyang mga saloobin at mga kritisismo sa Administrasyong Duterte. Sapilitan siyang pinagawa ng public apology at tinakot na sasampahan ng kasong libel kung hindi siya humingi ng paumanhin. Ang mas malalay pa ay nared-tag siya’t sinabihan na huhulihin o dadakpin siya ng mga pulis sakaling maulit pa ang kaniyang ginawa.

Ang pananakot at tangkang pagbusal na ito kay Molo ay isang malinaw na paglabag sa kanyang karapatang pantao. Malinaw na pinanindigan lang ni Pangulong Rodrigo Duterte at ng kaniyang administrasyon ang patuloy nitong pag-atake sa mga kritiko ng kaniyang rehimen.

Tinatawagan namin ang lahat na makiisa sa pakikibaka ni Molo, ng kabataan, at ng mamamayang Pilipino para ang ating karapatan sa malayang pagpapahayag. Sa gitna ng krisis, mas kailangan ng mga matang mapagmatyag sa mga barbarismo ng ating pamahalaan.

Laban, Kabataan!